ВСАТИ
Бирæйы фæфæнды
Райсомæй хуыссын...
Хур æркаст... нывæнды
Хохæй хохмæ тын...
Комæй коммæ хъазгæ,
Царды хос хæссы...
Цард тындзы йæ размæ...
Всати ма хуыссы...
Всатийæ зæронддæр
Дауджытæм кæм и? –
Хæхтæй дæр бæрзонддæр
Чиу, уый йæ фæци.
Мит лæджы цæст сайы, –
Схиз æм, уæд – ныхас! –
Раст йæ астæу зайы
Стыр нæзы бæлас;
Дон кæлы йæ рæзты
Урс æхсæрдзæнтæй;
Цъититæ йæ фæрсты
Бадынц их–зæйтæй.
Фалæрдæм лæбырынц
Сау дуры цæндтæ;
Тар хъæдæй нæ зынынц
Арф, уынгæг кæмттæ...
Урс-урсид дзæгъгъатæй –
Бандæттæ, тæрхæг;
Саджы урс сыкъатæй
Всатийæн – сынтæг...
Арсы хъуын – йæ лыстæн,
Тинтычъи – йæ баз...
Цæй, хуыссæд! – йæ куыстæн
Сæфынæй нæу тас...
Авд лæппуйы зилынц
Всатийы алварс,
Залмы сыфтæ тилынц, –
Бындз нæ уадзынц ʼввахс.
Иннæ авд æддæдæр
Аходæн фыцынц...
Физонæг фæхъæбæр,
Фæхсынтæ нæрсынц...
– Оф, оф! – загъта Всати, –
Арв кæмдæр нæры...
Рахъил, дурыл сбадти...
Аходæн хæры...
Комæй, чидæр зары...
Всати ʼхсыны агъд...
– Чи та нæ хъыгдары?
Акæсут-ма тагъд!
Дарддзæст лæппу араст
Айнæджы былмæ,
Къухаууонæй акаст
Сау комы бынмæ...
– Федтон, – загъта, – диссаг:
Комы нарæджы
Курынц иу мæллæг саг
Фараст барæджы!..
Топп — ерæдзыпп, хъримаг,
Бæх — саулох бæхтæ...
Исты сын хæринаг
Кʼ уаид уал цæттæ!.. –
– Гъе, ʼрра! – Всати загъта, –
Ахæмты тыххæй
Уастырджи фæдавта
Фос нæ мæгуыртæй;
Ауадз сæ йæхимæ! –
Уый та сæ хынцдзæн,
Давæггаг фыдимæ
Карз арахъхъ дæтдзæн!..
Бирæ нал уыд хурæй...
Зарынц та кæмдæр...
Дарддзæст лæппу дурæй
Акаст та ныр дæр...
Авд цуаноны бадынц
Айнæджы ныхыл,
Тынг хъазуатæй зарынц,
Нал хæцынц зæххыл...
– О, уæрæйдæ, Всати!
Ракæс, рафæлгæс,
Бæрзондæй ныллæгмæ
Хорз нæ бафæдзæхс!
Мах – дæ уазæг, Всати,
Ды – нæ фæдзæхсæг!
Бæрзондæй ныллæгмæ
Ракæс, рафæлгæс!..
Дзабыр нæй, – æрчъитæ!
Топп рæхсæнтæй баст,
Пака худ нысчъилтæ,
Сæр æхсырфæй даст...
– Гъе, ныр, гъе, нæхион, –
Разын ныр рæдау!
Аскъæр сыл нæ сион,
Хорз сæ фен, лæгау.
|
|
ВСАТИ
Сладко спать усталым.
Утром сон могуч...
Но скользит по скалам
Первый солнца луч.
Все кругом искрится,
Ветерок шумит,
Пробудились птицы...
Только Всати спит.
Старца–исполина
В мире кто древней?
Вот вершин вершина –
Он живет на ней.
Снег сияет горный:
Манит вышина.
Там – нихас просторный,
А на нем – сосна;
С диких скал свергаясь,
Воет водопад;
С двух сторон, сверкая,
Ледники висят,
Камни с грозным шумом
Катятся с высот...
Лесом скрыт угрюмым,
Всати здесь живет.
Стол его, сиденье –
Все хрусталь сплошной.
Из рогов оленьих –
Ложе под сосной.
Шерсть на нем медвежья,
Козий пух лежит...
Всати утром свежим
Беззаботно спит.
Машут лопухами
Семь безусых слуг,
От него упрямых
Отгоняя мух.
Семь других румянят
На огне шашлык,
Жарят бок бараний –
Будет рад старик...
Гром гремит.
Поднялся С ложа Всати: «Оф!
Я проголодался –
Завтрак мой готов?..»
Жирный бок грызет он.
Вдруг запели.»Гей!
Видно, вновь – охота.
Погляди скорей!..»
Юноша проворно
К леднику шагнул,
Со стремнины горной
В бездну заглянул
И без промедленья
Крикнул: «Слышу зов –
Просят там оленя
Девять ездоков.
Кони статны. Ружья
Крымские блестят...
– Нам олень бы нужен,
Пусть худой! — кричат».
– Щеголям блестящим,
Глупый, откажи:
Знай – у бедных тащит
Скот им Уастырджи.
Пусть он угостит их
Краденым скотом
Да аракой сытых
Напоит потом!..
Солнце на закате.
Песни вновь слышны,
Вновь прислужник Всати
Сморит с вышины.
«Семерых на круче
Вижу бедняков,
Слышу их могучий,
Их веселый зов:
– О, уарайда, Всати!
Щедрый, к нам явись.
Ты на горном скате,
Погляди–ка вниз
Ты оленя, Всати,
Дай нам в добрый час.
Ты на горном скате,
Ты взгляни на нас!..»
В стареньких арчита,
С плохоньким ружьем.
Головы побриты
Сломанным серпом...
– Гей, юнец! Рогатых
Выпусти скорей:
Угости, как надо,
Дорогих гостей.
|
|
