ÆНÆ ФЫЙЙАУ

Хорз фыййау пыхсы дæр ары йæ фосы фæд,
     Рындзыл нæ кæны фынæй...
Фесæфай, фесæфай, уастæн, нæ фæсивæд, –
     Иу бахъаггæнæг дæ нæй!

Тар хъæдмæ бацыдтæ, пыхсы ныдздзæгъæл дæ, –
     Стонг фосæй сонтдæр, зыддæр, –
Иугæйттæй агурыс фароны хæтæлтæ,
     Стонг фосау сæфыс ды дæр!..

Гъæй, джиди! Искуы дæ фыййау куы разарид
     Иу сау къæдзæхы сæрæй!
Хорз фосы дзугау дæ иумæ куы равзарид
     Исчи йæ фарны хъæрæй!..