ХЪАЗТÆ
Дæ фыдæлтæ рухсаг,
Дæхæдæг мын бæзз!
Ныртæккæ уын диссаг
Æрхæсдзынæн æз.
Фæрссаг лæг, дыгурон,
Йæ хъазтæ уæймæ
Фæцæйтардта иу бон
Æлдары хъæумæ.
Цыма сæ фæдисæй
Ыскъæры – тындзы
Æмæ сæ йæ уисæй
Æнæвгъау хынцы.
Æрбаййæфта хъазты
Уæд иу дардбæстаг.
Нæ хъазтæ сæ масты
Фæкодтой хъæстаг:
– Ныллæу нын тæрхоны,
Дæ Хуыцаумæ скæс!..
– Мæгуыр лæг цы зоны?
– Нæй, нæй дын фæрæз!..
Æрлæууыд сæ астæу...
Фæрсы сæ: зæгъут!
– Хуымæтæджы хъазтау
Нын ласы нæ уд.
Æнтæфæй нæ мары,
Уæлдай та нæ над!..
Æрдумæ нæ дары
Нæ фыдæлты кад.
Нæ фыдæлты руаджы
Нæ бабын ис Ром...
– Уый фехъуыстам раджы,
Нæу сусæг сæ ном...
Уæхуыдтæг, уæхуыдтæг
Цæмæй хорз ыстут?
– Фæмæлæм, мæгуыртæг, –
Кæм ма ис рæстуд? –
Нæ фыдæлтæ чи сты, –
Нæ зоныс, сæрæй?
– Уæхицæй уæм исты
Æппæлинаг нæй?
– Нæ фыдæлтæ раджы...
– Уый фехъуыстон, гукк!..
– Нæ фыдæлты руаджы...
– Уæхуыдтæг цы стут?
Цы равдыстат кадæн,
Зæгъут-ма уæддæр?
– Мах?.. Ницы!.. – Æрра дæн –
Фæрсын уæ æз дæр!
Уæ фыдæлты хорз кой
Мыггагмæ цæрæд!
Куывдтæ-иу сын кодтой,
Сæ бадæн – дзæнæт!
Ныр рæстæджы хъазæн
Æндæр у йæ кад:
Йæ бумбули – базæн,
Йæ нард фыд – бæркад.
Нæ хъазты ныхасæн
Бæргæ ис кæрон,
Фæлæ искæй хъазæн
Æгæр хъыг куы уон!..
|
|
LIBÁK
Az ősi dicsőség
Sugározzék ránk!
A magam hírnevét
Rád hagyom mindjárt.
A libafalkáját
Terelte egykor
– Eladni szánta –
Egy szegény digor.
Mentek megriadtan;
Űzte, hajszolta;
A libaostorral
Meg-megcsapkodta.
Összetalálkoztak
Egy utazóval,
És bepanaszolták
Nagy gágogással:
– Kérünk Istenedre,
Tégy igazságot!
– Ugyan mit tehetne?
Bírónak állott.
Meghallgatta őket...
Mondták a panaszt:
– Kiszipolyoz minket,
És még meg is kopaszt.
Hőségben hajszol,
Oktalanul ver!
Nem tiszteli ősi
Becsületünket.
Megmentették Rómát
Éber apáink...
– Hirdetik e fámát
Az írásaink.
És ti magatokért
Mi jót tettetek?
– Leölnek bennünket,
Nincsen kímélet.
Hős atyáink egykor...
De hiszen tudod...
– És ti, kik most vagytok,
Hogyan harcoltok?
– Az atyáink régen....
– Ebből elég legyen!
Az egykori érdem...
Nem ér az mitsem.
Magatok mit tesztek
A dicsőségért? –
Ugyan mit tehetnénk?
Micsoda kérdés!
– Az apák jó hírét
Őrzi a gyermek!
Jókat lakomáztak,
Ülnek a mennyben!
A mai libáknak
Más a becsületük: :
Pelyhükből párna lesz,
A húsukból sült.
Nem panaszkodtak már
Tovább a libák,
Váljék a hasznukra
Ez a tanítás!
|
|
